•  
    •  
    •  
    •  
    •  
    •  
ЯК ВЫГЛЯДАЕ ШЧЭЦІНЬСКІ АНАЛАГ МІНСКАЙ КАСТРЫЧНІЦКАЙ
Шчэцін – цэнтр Паморскага ваяводства Польшчы, знаходзіцца блізка ад нямецкай мяжы.

Комплекс гаспадарчых будынкаў на востраве Łasztownia (Лаштоўня) на рацэ Одэр утварыўся яшчэ ў XVI стагоддзі. Спачатку тут функцыянавала шчэцінская гарадская мясабойня, ад якой і засталася назва сучаснага культурнага цэнтра.
Фотагалерэя
Stara Rzeznia
У эпоху індустрыялізацыі паўстала прамысловая архітэктура. Пасля Другой сусветнай вайны на Лаштоўні працавалі пераважна склады. Цяпер тэрыторыя абгарожаная, частка дамоў стаіць закінутая, у некаторых месцяцца офісы.
Адзін з будынкаў, узведзены ў 1888 – 1898 гг як мясабойня на месцы ранейшых цяслярскіх складоў, у 2014 г. адрэстаўраваны адмыслова пад арт-аб'ект, і сёння тут дзейнічае Цэнтр культуры еўрарэгіёну Stara Rzeznia. Функцыянуе некалькі выставачных залаў, рэстаран, офісы, канферэнц-зала, кнігарня.
Тут праходзяць самыя разнастайныя мастацкія, музычныя, адукацыйныя мерапрыемствы, паказы кіно і спектакляў… Шлях ад шчэцінскага Старога горада да арт-цэнтра Stara Rzeznia ляжыць праз прыгожае ўзбярэжжа з цікавымі графіці. Гэта "тусовачны" раён, месца для шпацыраў.
Для Мінска шчэцінская Stara Rzeznia, як і варшаўскі Koneser, – прыклад пункту прыцягнення па-за "асноўным" гарадскім цэнтрам. Абодва аб'екты паказваюць, што арт-цэнтры ў былых прамысловых будынках могуць быць цалкам сабе прэзентабельнымі і дылему "напаўнефармальная ініцыятыва vs сур'ёзныя інвестыцыі" можна паспяхова зняць.
Цікава будзе прасачыць лёс астатніх будынкаў на Лаштоўні. Адзін з іх ужо атрымаў назву Stara stajnia і, падобна, там будуць офісы.
Фотагалерэя старонкі
Тут вы можаце павялічыць фота і пабачыць больш фотаздымкаў, якіх не было вышэй
Назад
ЯК ВЫГЛЯДАЕ ПОЗНАНЬСКІ АНАЛАГ МІНСКАЙ КАСТРЫЧНІЦКАЙ
Чытаць далей
ЗАМЕЖНЫ ДОСВЕД: ВАРШАВА, КВАРТАЛ KONESER